Browsing by Author "Labaka Etxeberria, Ainitze"

Filter results by typing the first few letters
Now showing 1 - 9 of 9
  • No Thumbnail Available
    Item
    EAEko emakumeek modu larrian ospitaleratzeko aukera handiagoa zuten zenbait bihotz-hodietako gaixotasunen kasuan 2016-2018 urteen artean
    Labaka Etxeberria, Ainitze; Zubeldia Etxebarria, Josune; Ugartemendia Yerobi, Maider; Elordi Guenaga, Udane; Zinkunegi Zubizarreta, Nagore; Pereda Goikoetxea, Beatriz
    Badira hamarkada batzuk bihotz-hodietako gaixotasunak zituzten pertsonak artatzerakoan genero alborapena gertatzen zela salatu zenetik. Euskal Autonomia Erkidegoan (EAE), zenbait bihotz-hodietako gaixotasun pairatzerakoan emakumezko ala gizonezko izateak ospitaleratze larriak eta ez programatuak pairatzeko aukera handiagotzen duen aztertzea da helburua, atzerabegirako zeharkako azterketa bidez. Modu larrian eta ez programatuan ospitaleratzeko aukera handiagoa izan zuten EAEko emakumeek gizonekin alderatuta hipertentsioan, bularreko anginan, eroapen nahasmendu eta bihotzeko anginan, bihotz gutxiegitasunean eta aterosklerosian. Ikerketa honetan pazientearen sexuak ospitaleratze motan eragin dezakeela behatu da eta ondorioz, arrakala hau murrizteko hainbat lerro jorratzeko beharra ikusi da.
  • No Thumbnail Available
    Item
    “Elkar Laguntza”: berdinen arteko gizarte-laguntza esku-hartze baten eragina bularreko minbizia duten pazienteen aurre-egite estrategietan
    Aizpurua Perez, Ibane; Arregi Agirre, Amaia; Gonzalez Familiar, David; Aguinaga Aizcorreta, Maite; Labaka Etxeberria, Ainitze; Perez Tejada, Joana
    Luzetarako saiakuntza kliniko batean kokatzen den ikerketa-proiektu honek, Gipuzkoako Onkologikoa Fundazioan bularreko minbiziaz diagnostikatutako emakumeen artean, berdinen arteko gizarte-laguntza esku-hartze batek estresari aurre-egiteko estrategia ezberdinetan duen eragina aztertu nahi izan du, bularreko minbizia gainditutako boluntarioek trukatutako laguntza oinarri hartuz. Esku-hartzea 6 edo 8 gizarte-laguntza saioz osatu zen, bakoitzean paziente eta boluntario batek parte hartu zutelarik. Programak umorea bezalako aurre-egite egokitzailea sustatzeko eta ezeztapena bezalako aurre-egite ez-egokitzailea murrizteko eraginkortasuna erakutsi du.
  • No Thumbnail Available
    Item
    Emakumeekiko sexismo maila osasun arloko profesional eta ikasleengan: lehen hurbilketa
    Goñi Balentziaga, Olatz; Aliri Lazcano, Jone; Prego Jimenez, Sara; Pereda Pereda, Eva; Perez Tejada, Joana; Labaka Etxeberria, Ainitze
    Osasun profesionalen emakumeekiko sexismo mailak osasun arretan eragina du, genero alborapenak eraginez. Emakumeekiko sexismo maila ezagutzeko ASI galdetegiaren bertsio laburtua aproposa da. Hori dela eta, 89 osasun arloko profesionali eta ikasleri galdetegi hau aplikatu zaie, beraien emakumeekiko sexismo mailaren inguruko informazioa eskuratu eta populazio orokorreko datuekin konparatzeko. Galdetegia sexismo anbibalentearen bi dimentsioak, etsaitasunezko eta onginahiko sexismoa, neurtzeko egokia dela adierazi dute analisi psikometrikoek. Osasun arloko lagin honetako partaideek emakumeekiko sexismo maila populazio orokorraren sexismo maila baino baxuagoa azaldu duten arren, lagin kopurua handiagoarekin joera hau aztertu beharko litzateke.
  • No Thumbnail Available
    Item
  • No Thumbnail Available
    Item
    Hantura periferikoa depresio eta antsietate sintomekin batera bularreko minbizia gainditutako emakumeetan
    Labaka Etxeberria, Ainitze; Arregi Agirre, Amaia; Vegas Moreno, Oscar; Garmendia Rezola, Larraitz; Camba , Joana; Perez Tejada, Joana
    Bularreko minbizia gainditutako emakumeen antsietate eta depresio prebalentzia biztanleria orokorrarena baino handiagoa da. Nahasmendu horietan eta minbiziaren fisiopatologian zenbait faktore komun aurki daitezke; hantura zitokinak eta kortisola. Ikerketa honen helburua bularreko minbizia gainditutako emakumeetan depresio eta antsietate sintomen eta hantura aldagaien arteko erlazioa aztertzea da. Kortisol maila handiagoak aurkitu ditugu antsietate eta depresio sintomak dituzten emakumeetan. Gainera, TNF-α maila altuak aurkitu ditugu depresioa duten emakumeetan.
  • No Thumbnail Available
    Item
    Ilargia eta giza jokabidea: usteak zenbat ustel?
    (ELHUYAR) Labaka Etxeberria, Ainitze; Arozena Ormaetxea, Kristina
  • No Thumbnail Available
    Item
    Sexua, zientziak ahaztutako aldagaia
    (ELHUYAR) Labaka Etxeberria, Ainitze
  • No Thumbnail Available
    Item
    Tumoreak, estres sozialak eta estresari aurre egiteko estrategiek jokabide depresiboan eta garunaren aktibitatean duten eragina
    Goñi Balentziaga, Olatz; Vegas Moreno, Oscar; Labaka Etxeberria, Ainitze; Garmendia Rezola, Larraitz
    Depresioak lotura estua du minbiziarekin eta estres sozialarekin, baina harreman hori eragiten duten mekanismoen inguruko informazioa ez dago erabat osatuta. Hori dela eta, tumoreek eta estresak garunaren aktibitatean duten eragina aztertzea du helburu ikerketa honek. Horretarako, OF1 sagu arrei B16F10 melanoma zelulak inokulatu eta azpitalde bati estres soziala eragin zaio. Tumoreak garuneko serotonina maila murriztu eta 3-HK neurotoxikoaren maila handitu du. Azken efektu hori estresari aurre egiteko estrategi pasiboak dituzten saguetan ere azaldu da. Jokaerari dagokionez, tumoreak sakarosarekiko preferentzia txikitu eta eremu irekiko frogan gelditasuna handitu ditu. Ondorioz, tumoreak bide toxikoa aktibatu eta jokaera depresiboak areagotu dituela adierazten dute datuek.
  • No Thumbnail Available
    Item
    Venlafaxinaren eragina ezegonkortasun sozial kronikoa jasandako sagu emeen sistema serotoninergiko zentralean eta jokabidean
    Labaka Etxeberria, Ainitze; Gomez Lazaro, Eneritz; Goñi Balentziaga, Olatz; Garmendia Rezola, Larraitz
    Bi bider ohikoagoa da depresio diagnosia emakumeetan gizonezkoetan baino, eta ondorioz, baita farmako antidepresiboen erabilera ere. Hala ere, estresarekin lotutako nahasteen eta haien tratamenduaren inguruko ikerketa gehienak animalia arretan egiten dira, eta ikerketetako emaitzak gizon nahiz emakumeetara orokortu gero. Ildo horretatik, antsietate eta depresioaren aurkako tratamenduen eraginkortasuna sexuaren araberakoa da, berezitasun biologikoak izaki. Hori dela eta, lan honek ezegonkortasun sozial kronikoaren estresa bizi duten sagu emeen jokabidean eta garuneko bide serotoninergikoan venlafaxinak serotonina eta noradrenalinaren birkaptazioaren inhibitzailea duen eragina du aztergai.