73 results
Search Results
Now showing 1 - 10 of 73
Item Terapia genikoaren erabilera lehen motako hiperoxaluria primarioa (PH1) tratatzekoZabaleta Lasarte, NereaLehen motako Hiperoxaluria Primarioa (PH1) oinarri genetikoa duen gaixotasun arraro bat da. PH1 gaixoek AGXT izeneko genean mutazioak dituzte, eta ondorioz, gibelean alanina-glioxilato aminotransferasa (AGT) izeneko entzima falta zaie. Gabezia honen ondorioz oxalato izeneko metabolito bat kontrolik gabe ekoizten da eta ehunetan metatzen denean minak eragiten ditu, batez ere giltzurrunetan. Terapia genikoan erabiltzen diren birusen bitartez gaixo hauek gibeleko entzimaren aktibitatea berreskura lezakete. Lan honetan terapia genikoaren efikazia ikertzeko erabilgarria den animali eredu bat sortu dugu.Item Minbiziaren aurkako jomuga garrantzitsua: I TopoisomerasaMartin Encinas, Endika; Alonso Perez, Concepción Estibaliz; Rubiales Alcaine, Gloria; Palacios Gambra, Fancisco JavierMinbiziaren kontrako hautagai berriak topatu nahian, zenbait 1,2,3,4-tetrahidrokinolina eta kinolina berrien serieen sintesia aurkezten dugu hemen. Sintetizatutako produktu gehienek I Topoisomerasa inhibitzeko gaitasuna erakutsi dute. Are gehiago, produktuen azpimultzo batek giza giltzurruneko minbizian (HEK-3), giza birikako adenokartzinoman (A-549) eta giza obulutegiko kartzinoman (SKOV3) zitotoxizitate efektu bat erakutsi dutela frogatu du “in vitro” azterketak.Item Bektore biral terapeutiko baten efikazia eta toxizitateaten ebaluazioa Wilson gaixotasundun saguetanMurillo Sauca, Oihana; Moreno Luqui, Daniel; Gazquez López, Cristina; Barberia Urteaga, Miren; Cenzano Armendariz, Itziar; Uriarte Díaz-Varela, Iker; Navarro Blasco, Iñigo; Ferrer , Veronica; Bénichou , Bernard; Combal , Jean Philippe; Hernandez Alcoceba, Ruben; Gonzalez Aseguinolaza, GloriaWilson gaixotasuna (WD), gaixotasun monogeniko arraro bat da herentzia autosomiko errezesiboa duena, non ATP7B genean azaltzen diren mutazioen ondorioz elikagaietatik hartzen den kobrea gibelean metatzen den toxikotasuna eta kalteak eratuz. Egungo tratamenduek albo ondorio handiak dituzte eta ez dute gaixotasuna sendatzen. Hori dela eta tratamendu alternatiboen ikerketa guztiz beharrezkoa da. Ikerketa honetan terapia genikoa erabiliz, 6 asteetako WD-dun saguei falta zaien ATP7B proteina bideratu zaie gibelera. Ikerketa tratamenduak, aztertutako parametro gehinak hobetu ditu denbora luzez. Datuek erakusten duten moduan, terapia genikoa etorkizun handiko tratamendua izan daiteke WD sendatzeko.Item 1 motako diabetesari asoziaturiko lncRNAen azterketa funtzionala β-zelulen hanturan eta apoptosianGonzalez Moro, Itziar; Olazagoitia Garmendia, Ane; Fernandez Jimenez, Nora; Castellanos Rubio, Ainara; Santin Gomez, Izortze1 motako diabetesarekin (DM1) asoziatutako polimorfismo ugari RNA luze ez kodetzaileetan (lncRNA) kokatuta daude. Lan honen helburua DM1-rekin asoziatutako lnc13 eta lncBACH2 deritzen lncRNAen karakterizazio funtzionala gauzatzea izan da. Gure emaitzek lnc13-k β-zelulen hantura prozesuan parte hartzen duela baieztatzen dute. Izan ere, lnc13-ak STAT1 eta PCBP2 molekulen arteko elkarrekintza baimentzen du, hantura sustatzen duen STAT1 mRNAren egonkortasuna emendatzen duelarik. Bestalde, lncBACH2–k BACH2 genearen adierazpena erregulatzen duela eta aldi berean hanturak eragindako β-zelulen apoptosian eragina duela ikusi dugu. Gure lanak gaixotasunarekin lotura duten lncRNAk β-zelulen funtzionamenduan eragina dutela erakusten du, eta hortaz, lncRNAk DM1ren patogenesian berebiziko garrantzia eduki dezaketela iradokitzen du.Item Hiperkolesterolemia Familiarra: PCSK9 aldaeren karakterizazioa tratamendu pertsonalizaturakoLarrea Sebal, Asier; Jebari Benslaiman, Shifa; Galicia Garcia, Unai; Alonso Estrada, Rocio; Benito Vicente, Asier; B. Uribe, Kepa; Martin Plagaro, CesarGaixotasun kardiobaskularrak mundu mailan heriotza gehien sortzen dituzten arrazoiak dira, gehienbat bizimodu ez osasuntsuagatik. Hala ere, badaude banako batzuk zeintzuek arrazoi genetikoen erruz pairatzen dituzten, Hiperkolesterolemia Familiarra (HF) izeneko gaixotasun autosomiko gainartzaile bat izanik. 3 geneetan gertatzen dira aldaerak batez ere: LDLR, ApoB eta PCSK9. Aldaeren identifikazioa, mekanismoa ezartzea eta tratamendua sortzea oso zaila da, baina beharrezkoa gaixotasunaren aurka egiteko. Ikerketa honen helburua funtzio-irabaztea duten 7 PCSK9 aldaeren karakterizazio funtzionala era ziur eta erraz batean egitea ahalbidetzen duen metodologia bat sortzea izan da, tratamendu pertsonalizatua emateko. Horretarako, PCSK9-ren polimorfismo ohikoenak karakterizatu dira sakonki.Item USP9X: Angelman sindromearen tratamendurako itu berria ote?Elu Arantzamendi, Nagore; Ramirez Sanchez, Juan Manuel; Lectez , Benoit Louis Philippe; Osinalde Moraleja, Nerea; Mayor Martinez, UgoUBE3A proteinaren gabeziak Angelman sindromea sortarazten du. Proteina honek zelulako beste proteina batzuk ubikuitinatzen ditu, beraien funtzioa erregulatuz. Hortaz, UBE3A falta denean, bere substratuak –DDI1 kasu– gutxiago ubikuitinatuko dira, ondorio larriak ekarriz. Horrez gain, deubikuitinasa deritzen proteinek substratuen ubikuitina kentzean, egoera larritzen da. Lan honetan DDI1 substratua deubikuitinatzen duen proteinetako bat –USP9X– identifikatu dugu eta diana terapeutiko gisa aurkeztu dugu, berau inhibitzeak DDI1 proteinaren ubikuitinazioa emendatu eta gaixotasunaren eredu diren eulien sintomatologia hobetzen baitu.Item Depresioaren teoria noradrenergikoaMuneta Arrate, Itziar; Horrillo Furundarena, Igor; Ortega Calvo, Jorge Emilio; Meana Martinez, JavierDepresioren sintomatologia konplexua eta heterogeneoa da, diagnostikoa zailago bihurtuz. Depresioaren teoria eta faktore eragile desberdinak proposatu dira azken urteetan zehar. Hauen artean frogatu da tratamendu antidepresibo kroniko baten ostean neurona noradrenergikoetan kokatzen diren k desentsibilizazio prozesua jasaten dutela, monoaminen mailak modulatuz. Egun, ikertzeke dago neurona serotoninergikoetan espresatzen diren α2-adrenohartzaileen, hau da, heterohartzaileen, desentsibilizazioa gertatzen den ala ez. Lan honetan tratamendu antidepresibo kronikoaren ostean α2-heterohartzaileen desentsibilizazioa gertatzen den ala ez aztertu da, arratoi garunean egindako in vivo mikrodialisi teknikaren bitartez.Item Ama hizkuntzaren erabileraren eragina Alzheimer dementziaz hunkitua den pertsonaren akonpainamenduanGoyheneche , MaritxuAlzheimer dementziaz hunkitua den pertsonak, ama hizkuntza erabiltzearen joera luke. Ikerketa honek « zein izango litzateke ama hizkuntzaren erabileraren eragina Alzheimer dementziaz hunkitua den per-tsonaren akonpainamenduan » galderari erantzunen dio. Horrentzat Alzheimer dementziaz hunkituak diren 4 pertsonaren garbitze denborak bai euskaraz, bai frantsesez eginak eta ebaluatuak izan dira. Me-dikuntzako hamar profesional galdezkatuak izan dira ere, haien iritzi subjektiboa gai honi buruz biltzeko. Oro har, egiaztatu da, ama hizkuntzak eragin baikorra duela Alzheimer dementziaz hunkitua den pertsonaren motibazioaren gainean, baita haien esku hartzean eta jarreran ere.Item Gaixotasun autoimmuneei asoziaturiko RGS1 eremuko lncRNA baten karakterizazio funtzionalaOlazagoitia Garmendia, Ane; Fernandez Jimenez, Nora; Sebastian de la Cruz, Maialen; Bilbao Catala, Jose Ramon; Castellanos Rubio, AinaraGenome-wide association studies (GWAS) eta RNA sequencing (RNAseq) teknologiei esker gaixotasun autoimmuneekin lotutako gene eta mekanismo ugari aurkitu badira ere, asoziatutako aldaera (Single Nucleotide Polymorphism edo SNP) gehienak eremu ez kodetzailetan kokatzen direla ikusi da. Azken aldian RNA ez kodetzaile luzeek (lncRNA) zenbait prozesu biologikoetan duten garrantzia azpimarratu da eta gaixotasun askoren garapenarekin erlazionatu dira, gaixotasun autoimmuneak kasu. Lan honen helburua RGS1 eremuan dagoen gaixotasun autoimmuneei asoziaturiko rs2816316 SNParen karakterizazio funtzionala egitea izan da. Gure emaitzen arabera, SNParen inguruan dagoen eremuak RGS1 genearen erregulazioan eragina du bertan aurkitzen den lncRNA nuklear baten bitartez.Item AHK2: Duchenne gihar-distrofian potentzial terapeutikoa duen kalstabina modulatzaile berriaLasa Fernandez, Haizpea; Gonzalez Lafuente, Laura; Navarro García, Jose Alberto; Lasa Elgarresta, Jaione; Irastorza Epelde, Aitziber; Miranda Murua, Jose Ignacio; Aizpurua Iparragirre, Jesus Mari; Lopez de Munain Arregi, Adolfo Jose; Ruiz Hurtado, Gema; Vallejo Illarramendi, AinaraDuchenne gihar-distrofia (DMD) ikertzeko erabiltzen diren mdx saguak 12 astez tratatu dira AHK2 izeneko molekula berriarekin eta konposatu honek bihotzean duen eragina aztertu da. Batetik, elektrokardiogramak egin zaizkie saguei eta, bestetik, bihotzeko zelulak isolatu eta kardiomiozito hauetan kaltzioarekin lotutako hainbat ezaugarri aztertu dira mikroskopia konfokalean. Lan honetan AHK2-ak nitrosilazio zein fosforilazioak eraldatutako rianodina-hartzaileen funtzioa berrezartzen duela ikusi da, kaltzio txinparta edo spark-en jaitsiera esanguratsua eragiten baitu. Gainera, tratamenduak bihotzaren funtzioa hobetzen duela dirudi, elektrokardiograma bidez sagu gaixoen QTc tartea, bihotzak birpolarizatzeko behar duen denbora, laburtzen duela ikusi baita.