Uztaro. Giza eta gizarte zientzien aldizkaria

Uztaro. Giza eta gizarte-zientzien aldizkaria 1990ean sortu zen, giza eta gizarte-zientziei buruzko artikuluak argitaratzeko helburuarekin. Esparru honen inguruko gaiei buruzko artikuluak jasotzen ditu, gaurkotasun handikoak gehienak eta eztabaidarako oinarri izan daitezkeenak. Uztaro aitzindaria izan da adituen ebaluazio-sistemaren prozedura euskaraz arautua antolatzen eta nazioarteko datu-base bibliografiko erreferentzialetan agertu eta indexatua izaten. Aldizkariaren webgunean lan-proposamenak egiteko prozedurari buruzko informazio guztia aurki daiteke.