Browsing by Author "Grandes Moreno, Pedro"

Now showing 1 - 20 of 23

1 motako kannabinoide hartzaile (CB1) astroglialaren adierazpena loki-lobuloko epilepsia ereduan
Mimenza Saiz, Amaia; Bonilla Del Rio, Itziar; Egaña Huguet, Jon; Anaut Lusar, Ilazki; Serrano Murgia, Maitane; Lekunberri Odriozola, Leire; Gerrikagoitia Marina, Inmaculada; Elezgarai Gabantxo, Izaskun; Puente Bustinza, Nagore; Grandes Moreno, Pedro
Loki-lobuloko epilepsia (LLE) mundu osoko pertsonen %1-3ri eragiten dien afekzio neurologiko ohikoenetako bat da, eragin izugarria izanik pazienteen bizitzan. Horregatik, epilepsien fisiopatologia argitzea premiazkoa suertatzen da tratamendu antiepileptiko berriak garatu ahal izateko. Ikerketa honetan, CB1 hartzaile astroglialaren espresioan zentratu gara, CB1 astroglialak zitotoxikotasunean duen eginkizunari buruzko emaitza kontraesankorrak baitaude. Ikerketa honen hipotesiaren arabera, hipokanpoko CB1 hartzaile astroglialek funtsezko rola betetzen dute epilepsiaren fisiopatologian. Hemen, CB1 hartzaile astroglialaren hipokanpoko espresioa ikertu dugu azido kainiko LLE animalia-eredu batean.
CB1 hartzaile astrozitikoa mikroskopio elektronikoko prestakinetan detektatzeko markatzaile astroglialak: GFAP vs GLAST
Atxikallende Urkaregi, Svein; Bonilla Del Rio, Itziar; Terradillos Irastorza, Itziar; Egaña Huguet, Jon; Rico Barrio, Irantzu; Buceta Salazar, Ianire; Puente Bustinza, Nagore; Elezgarai Gabantxo, Izaskun; Gerrikagoitia Marina, Inmaculada; Grandes Moreno, Pedro
Azken hamarkadetan burutu diren hainbat lanek aditzera eman dutenez, astrozitoak, neuronak euskarri estrukturalaz hornitzen dituzten zelula pasibo izatetik urrun, garuneko ezinbesteko elementuak dira. Gainera, hainbat hartzaile adierazten dituzte beraien mintzean, funtzio sinaptikoan eginkizun garrantzitsua duten zelula bezala nabarmenduz, “Sinapsi Tripartitako” partaide aktiboak direlarik. Hartzaile horien kokapena aztertzeko mikroskopio elektronikorako immunohistokimika bikoitza erabiltzen da, astrozitoak markatzeko zelula mota honetan bakarrik adierazten den GFAP zitoeskeletoko proteinaren aurkako antigorputzak erabiliz. Hala ere, GFAParen natura harikara dela eta, astrozitoen gorputz eta adarkadura nagusietara mugatzen da, astrozitoen morfologiaren irudi murriztu bat emanez. Lan honetan, GLAST glutamato garraiatzailea proposatu nahi da mikroskopio elektronikoko tekniketan adierazle astroglial gisa erabiltzeko, eta astrozitoetan adierazten den CB1 hartzaile endokannabinoidearen adibidearekin frogatzen da honen erabilerak dakartzan onurak.
CB1 kannbinoideen hartzaile gabeziaren eragina garuntxoko zuntz paraleloetan
Buceta Salazar, Ianire; Rico Barrio, Irantzu; Puente Bustinza, Nagore; Egaña Huguet, Jon; Atxikallende Urkaregi, Svein; Terradillos Irastorza, Itziar; Bonilla Del Rio, Itziar; Gerrikagoitia Marina, Inmaculada; Grandes Moreno, Pedro; Elezgarai Gabantxo, Izaskun
Endokannabinoide-sistemak (EKS) garapeneko prozesuetan parte hartzen du eta helduaroan neurotransmisoreen askapena erregulatzen du batez ere, CB1 kannabinoideen hartzailearen bitartez. Karraskarien garuntxoan, garapenean eta helduaroan, EKSren adierazpen handia dago zuntz paraleloen bukaera sinaptikoetan (ZPBS). CB1ren jaiotzetiko gabeziak animalia helduen ZPBSetan izan dezakeen eragina aztertu dugu kalteberatasun desberdina duten V. eta X. lobuluetan. ZPBSen ultraegitura mailako zenbait parametro neurtu ditugu CB1 adierazten ez duten saguetan. CB1 hartzailearen gabeziak ZPBSen morfologian aldaketa esanguratsuak eragiten ditu jatorrizko saguekin alderatuz, batez ere kalteberena den garuntxo-eremuan.
Endokannabinoide sistemaren parte-hartzea arratoien garuntxoaren jaio osteko garapenean
(EKAIA) Buceta Salazar, Ianire; Rico Barrio, Irantzu; Egaña Huguet, Jon; Atxikallende Urkaregi, Svein; Terradillos Irastorza, Itziar; Puente Bustinza, Nagore; Reguero Acebal, Leire; Royo Zubillaga, Naiara; Bonilla Del Rio, Itziar; Medrano Peral, Aitor; Mendizabal Zubiaga, Juan Luis; Gomez Urkijo, Sonia; Ramos Uriarte, Almudena; Gerrikagoitia Marina, Inmaculada; Grandes Moreno, Pedro; Elezgarai Gabantxo, Izaskun
Endokannabinoideak eta zerebeloaren garapena
Buceta Salazar, Ianire; Rico Barrio, Irantzu; Egaña Huguet, Jon; Gerrikagoitia Marina, Inmaculada; Grandes Moreno, Pedro; Elezgarai Gabantxo, Izaskun
Endokannabinoide-sistemak (EKS), helduan, neurotransmisoreen askatzea doitzeaz gain, garapeneko prozesuetan parte hartzen duela baieztatu dute azken urteotako ikerketek. Enbrioi eta baita animalia helduetan ere EKS zerebeloan dela jakina da. Karraskarien zerebeloaren garapena enbrioi aroan hasten bada ere, jaio ondorengo 3 asteetara arte ez da bukatzen. Horretaz baliatu gara EKSak garapeneko prozesuetan parte hartzen duen aztertzeko mikroskopio elektronikoaren bitartez. EKSko osagai desberdinek, helduarekin alderatuz, kokapen berezitua aurkezten dutela ikusi dugu; helduan eta garapenean duten funtzio desberdinaren adierazle. Bestalde, CB1 kannabinoideen hartzailearen gabeziak izan dezakeen eragina ezagutu nahi izan genuen. Horretarako, funtzio aldetik desberdinak diren eta erasoen aurrean sentsibilitate desberdina erakusten duten zerebeloaren bi eskualdetan, ultraegiturari mailako zenbait parametro neurtu genituen aldaketa nabarmenak aurkituz.
Epe luzerako ondorioak loki-lobuluko epilepsia sagu-eredu baten garunean
Ocerin Amondarain, Garazi; Anaut Lusar, Ilazki; Mimenza Saiz, Amaia; Lekunberri Odriozola, Leire; Serrano Murgia, Maitane; Soria Gómez, Edgar; Gerrikagoitia Marina, Inmaculada; Rico Barrio, Irantzu; Puente Bustinza, Nagore; Egaña Huguet, Jon; Elezgarai Gabantxo, Izaskun; Grandes Moreno, Pedro
Loki-lobuluko epilepsia helduetan ematen den epilepsia mota ohikoena da. Eskuragarri dauden farmakoek neuronen gehiegizko kitzikagarritasuna murrizten duten arren, beti ez dira eraginkorrak izaten. Gaur egungo ikerketak gaitzean aktibatutako mekanismo neuroinflamatorioen kontrolean oinarritzen dira. Hartara, garuneko zelula ez neuronalak eta sistema endokannabinoidea itu terapeutiko gisa proposatu dira. Izan ere, neuroinflamazioarekin erlazionaturik dauden glia zelulek kannabinoide hartzaileak adierazten dituzte. Ikerketa honetan, glia zelula eta kannabinoide sisteman gertatutako aldaketak eta burmuinean zehar erasandako eskualdeak aztertu dira loki-lobuluko epilepsia sagu ereduan. Era ohargarrian, aldaketa anatomiko hauek kognizio (oroimenean) eta emozio-egoeretan (antsietatea) eragina dute.
Garun traumatismoen epe luzeko eragina hipokanpoko CB1 hartzailean
Bonilla Del Rio, Itziar; Egaña Huguet, Jon; Atxikallende Urkaregi, Svein; Soria Gómez, Edgar; Ramos Uriarte, Almudena; Terradillos Irastorza, Itziar; Mimenza Saiz, Amaia; Serrano Murgia, Maitane; Lekunberri Odriozola, Leire; Anaut Lusar, Ilazki; Buceta Salazar, Ianire; Rico Barrio, Irantzu; Gerrikagoitia Marina, Inmaculada; Neale , Katie Jay; Pinar , Cristina; Triviño Paredes, Juan; Nahirney , Patrick C; Christie , Brian R; Puente Bustinza, Nagore; Elezgarai Gabantxo, Izaskun; Grandes Moreno, Pedro
Gaur egun, garuneko traumatismo (GT) arinak osasun arazo garrantzitsua bilakatu dira duten intzidentzia altua dela eta. GT arinaren ezaugarri nabarmenetako bat asaldura kognitiboak dira. Garuneko lesio errepikakor arinak asaldura neurokognitibo larriagoekin lotu daitezke, nahiz eta egiturazko patologiarik ez egon. Halaber, GT arin baten ondoren, beste hainbat patologietan deskribatu den moduan, sistema endokannabinoidean aldaketak gertatzen direla frogatu da. Hortaz, ikerketa honen helburua GT arin batek ikaskuntzarekin eta oroimenarekin erlazionatutako garuneko hipokanpo eremuko CB1 hartzailearen banaketan eragin ditzakeen aldaketak zehaztea izan da.
Glutamatoaren eta kannabinoideen neurohartzaileak hipokanpoko hilusean
Medrano Peral, Aitor; Gomez Urkijo, Sonia; Grandes Moreno, Pedro
Garuneko hipokanpoan horzdun zirkunboluzioa dago, zeinek geruza molekularra, granularra eta hilusa dituen. Azkenengo estratu horren barnean CB1 errezeptore endokannabinoideak aurkezten duen, mGlu1 eta mGlu5 errezeptore glutamatergikoenganako hartuemona egiaztatu da, baina, oraindik, CB-ek beste errezeptore glutamatergikoekiko harremanik ez da baieztatu. Hau dela eta, bai hiluseko neuronetan, bai zelula glialetan, mGlu2, mGlu3 eta CB1-aren arteko erlazioak eszitabilitatearen kontrolean duen parte-hartzea frogatzeko, sagu-horzdun zirkunboluzioaren aurremurgiltze teknika inmunohistokimikoak gauzatu ziren, mGlu2, mGlu3 eta CB1 neurohartzaileak markatuz, gero ehuna mikroskopio elektronikoan aztertzeko. Bi motetako errezeptore hauen kokapen hurbila ikusi zen hilusean.
Hipokanpoaren mendeko portaeren eta endokannabinoide sistemaren aldaketak loki-lobuluko epilepsiaren animalia-eredu batean
Anaut Lusar, Ilazki; Egaña Huguet, Jon; Terradillos Irastorza, Itziar; Soria Gómez, Edgar; Lekunberri Odriozola, Leire; Gomez Urkijo, Sonia; Serrano Murgia, Maitane; Bonilla Del Rio, Itziar; Mimenza Saiz, Amaia; Atxikallende Urkaregi, Svein; Puente Bustinza, Nagore; Ramos Uriarte, Almudena; Buceta Salazar, Ianire; Rico Barrio, Irantzu; Gerrikagoitia Marina, Inmaculada; Elezgarai Gabantxo, Izaskun; Grandes Moreno, Pedro
Loki-lobuluko epilepsia (LLE) askotan epilepsiaren aurkako medikamentuekin trataezina den epilepsia partzial mota bat da. LLEn gehiegizko neurona-jarduera hipokanpoan gertatzen da, besteak beste. LLEdun pertsonek oroimen arazoak pairatzen dituztela deskribatu da. Bestalde, euren endokannabinoide (eKB) sisteman ere aldaketak gertatzen direla ikusi da, hala nola, CB1 hartzailearen adierazpenaren murrizketa. eKB sistema, eta bereziki CB1 hartzailea, oroimen-prozesuetan parte hartzen duela frogatu da. Horrez gain, CB1 hartzaileek epilepsia-krisien larritasunean erantzukizun handia izan lezakete. Gure helburua, LLEren animalia-eredu batean portaera mailan nahiz maila zelularrean gertatzen diren aldaketak aztertzea da, CB1 hartzailean arreta jarriz.
Hipokanpoko CB1 hartzailean funtzionamendua, berdina ar eta emeen artean?
Sangroniz Beltran, Lucia; Aranguren Alberdi, Aitor; Reyes Velazquez, Pablo; Landgraf , Nicolas; Bonilla Del Rio, Itziar; Ramos Uriarte, Almudena; Grandes Moreno, Pedro; Egaña Huguet, Jon; Soria Gómez, Edgar
Hipokanpoko zirkuitoak berebiziko garrantzia dute hainbat prozesu kognitiboetan, hala nola nabigazioan edota memorian. Honez gain, prozesu hauetan zelula-mota askok (CB1 hartzaileak mintzean adierazten dutenak) modu desberdinean parte hartzen dute. Lan honetan, hipokanpoko zirkuitu horietan parte hartzen duten neuronetako CB1 hartzaileen zeregin espezifikoa eta sexuaren araberako funtzioa ezberdindu nahi ditugu. Honetarako CB1-flox sagu ar eta emeetan hipokanpoarekin erlazionaturiko portaera frogak egin dira. Saguetan CRE bidezko CB1 hartzailearen ezabapena eragin zen hipokanpoko neuronetan zuzenean bektore biralak (AAV-Cre) injektatuz.
Ingurune aberastua: nerabezaroan alkoholarekin trataturiko C57BL6 saguen terapia eraginkorra?
Rico Barrio, Irantzu; Peñasco Iglesias, Sara; Puente Bustinza, Nagore; Reguero Acebal, Leire; Egaña Huguet, Jon; Buceta Salazar, Ianire; Torres Maldonado, Paula; Gerrikagoitia Marina, Inmaculada; Elezgarai Gabantxo, Izaskun; Grandes Moreno, Pedro
Gehiegizko alkohol-kontsumoa, batez ere nerabezaroan, egungo gizarteak kezkatzen duen arazo larrienetako bat da. Hainbat ikerketek etanolak eta sistema endokannabinoideak (SE) elkar eragiten dutela agerian utzi dute, azken honen funtzioa eraldatuz. Ingurune aberastuak (IAk) aldaketa molekular, anatomiko zein funtzionalak eragiten ditu garunaren garapen prozesuan. Gure xedea, nerabezaroan droga honen kontsumoaren ondorioz sorturiko eraginei aurre egiteko aberastutako inguruneak helduaroko saguen hipokanpoan duen rola aztertzea izango da.
Ingurune aberastuak nerabezaroan alkoholarekin trataturiko C57BL6J saguen iraupen luzeko CB 1 hartzailearen mendeko plastikotasuna berreskuratzen du. -Paradigma honen azpian ezkutatzen diren mekanismo zelularren bila-
Rico Barrio, Irantzu; Peñasco Iglesias, Sara; Buceta Salazar, Ianire; Puente Bustinza, Nagore; Olea , Ane; Lekunberri Odriozola, Leire; Serrano Murgia, Maitane; Reguero Acebal, Leire; Egaña Huguet, Jon; Terradillos Irastorza, Itziar; Atxikallende Urkaregi, Svein; Gerrikagoitia Marina, Inmaculada; Elezgarai Gabantxo, Izaskun; Grandes Moreno, Pedro
Gizartean duen prebalentzia-tasa altua dela eta, gehiegizko alkohol-kontsumoa, batez ere nerabezaroan, osasun arazo larria bilakatzen ari da. Alkohol kontsumoaren erregulazioan, endokannabinoide sistemak funtsezko eginkizun bat betetzen du. Izan ere, etanolaren gehiegizko kontsumoak CB1 hartzailearen mendeko iraupen luzeko plastikotasunaren galera eragiten du. Ingurune aberastuak (IAk) hainbat aldaketa mesedegarri eragiten ditu garunaren garapen prozesuan; garun lesio ezberdinen berreskurapenean duen parte-hartzea egiaztatuz. Gure xedea, nerabezaroan alkohol-kontsumoaren ondorioz sorturiko iraupen luzeko plastikotasun asalduren aurrean IAk duen potentzial-tasun terapeutikoa aztertzea da; baita onura posible horien azpian dauden mekanismo zelularrak ere.
Ingurune aberastuak nerabezaroko gehiegizko alkohol kontsumoaren ondoriozko portaera kalteak berreskuratzen ditu C57BL/6J sagu helduetan
(EKAIA) Lekunberri Odriozola, Leire; Rico Barrio, Irantzu; Serrano Murgia, Maitane; Puente Bustinza, Nagore; Bonilla Del Rio, Itziar; Anaut Lusar, Ilazki; Gerrikagoitia Marina, Inmaculada; Grandes Moreno, Pedro
Kannabidiolaren eragina hipoxia-iskemia eragin zaien arratoi jaioberrien ereduan
Ceprián Costoso, María; Reguero Acebal, Leire; Puente Bustinza, Nagore; Buceta Salazar, Ianire; Gerrikagoitia Marina, Inmaculada; Elezgarai Gabantxo, Izaskun; Martínez Orgado, José Antonio; Grandes Moreno, Pedro
Jaioberrietan gertatzen den garuneko kalte iraunkorren arrazoi nagusia hipoxia perinatala da, jaiotzen %1-6 inguruan jazotzen baita. Pertsona hauetako asko hil egiten dira, eta bizirik jarraitzen dutenek hainbat urritasun garatzen dituzte, besteak beste, koordinazio motorra, zein kognizioa eta jokabidearekin erlazionaturikoak. Azken urteotan, kannabinoideak etorkizun oparoko agente neurobabesle gisa azaleratu dira, hainbat garuneko kaltetan. Esaterako, kannabidiol fitokannabinoideak (CBD) hipoxia-iskemia (HI) eragin zaien animaliengan gertatzen diren garuneko kalteak ekiditen ditu hein handi batean, bai arlo kognitibo eta motorrean eta bai eta maila molekularrean eta zelularrean ere. Proiektu honetan, HI eragin zaien arratoien garun-eskualde minduetan, CBD-ak duen eragina aztertu da egitura mailan.
mglu2 eta mGlu3 glutamatoaren hartzaile metabotropikoen kokapena CB1 hartzaile kannabinoidearekiko hipokanpoaren hilusean
Medrano Peral, Aitor; Buceta Salazar, Ianire; Ramos Uriarte, Almudena; Egaña Huguet, Jon; Bonilla Del Rio, Itziar; Royo Zubillaga, Naiara; Rico Barrio, Irantzu; Elezgarai Gabantxo, Izaskun; Puente Bustinza, Nagore; Reguero Acebal, Leire; Atxikallende Urkaregi, Svein; Terradillos Irastorza, Itziar; Soria Gómez, Edgar; Mendizabal Zubiaga, Juan Luis; Gerrikagoitia Marina, Inmaculada; Meana Martinez, Javier; Gomez Urkijo, Sonia; Grandes Moreno, Pedro
Hiponkanpoko horzdun zirkunboluzioko hilusean, CB1 hartzaile kannabinoide eta mGlu2 etamGlu3 glutamatoaren hartzaile metabotropikoen arteko hurbiltasuna eta kolokalizazioaren berri emanizan da. mGlu2 edo mGlu3 hartzaileak selektiboki ezabatzeko manipulatutako saguen burmuinakerabiliz CB1arekiko aipatutako mGlu bakoitzaren erlazioa zehaztu ahal izan dugu. mGlu2 hartzaileaprozesu neuronaletan ikusia izan zen, CB1-arekin kolokalizatu ahal zuen tokietan, mGlu3-a berriz,glia prozesuetan aurkitu zen eta, nahiz eta zenbait kasutan kolokalizazioa aurkeztu izan zuen,gehienetan CB1dun botoi sinaptikoekin harremana zuten sinapsien inguruko prozesuetan topatugenuen.Hitz gakoak: Horzdun zirkunboluzioa, mikroskopia elektronikoa, sistema endokannabinoidea,inmunohistokimika
Mikrogliaren aktibazioa eta 2 motako hartzaile kannabinoidearen de novo adierazpena loki bihurguneko epilepsia ereduan
Terradillos Irastorza, Itziar; Bonilla Del Rio, Itziar; Atxikallende Urkaregi, Svein; Egaña Huguet, Jon; Rico Barrio, Irantzu; Buceta Salazar, Ianire; Lekunberri Odriozola, Leire; Reguero Acebal, Leire; Mendizabal Zubiaga, Juan Luis; Romero , Julian; Grande , Maria Teresa; Hillard , Cecilia J.; Puente Bustinza, Nagore; Elezgarai Gabantxo, Izaskun; Gerrikagoitia Marina, Inmaculada; Grandes Moreno, Pedro
Loki bihurguneko epilepsia (ingeleseko Mesial Temporal Lobe Epilepsy, MTLE) epilepsia partzial mota ohikoena da, tratamenduari erresistentzia handia garatzen duena eta osasun fisiko eta mentala erabat kaltetzen dituena. Ikerketa honetan epilepsiarekin erlazionaturik egon daitezkeen inflamazio prozesuekin gertatzen den mikrogliaren aktibazioan eta CB2 hartzailearen espresioan zentratu gara. Izan ere, mikroglia M1 inflamazio-aldeko egoeran ala M2 inflamazio-kontrako egoeran sartzen da CB2 hartzailearen aktibazioaren bidez. Gainera, hartzaile horren espresioa, garun lesioetan eta neuroendekapenezko zenbait gaixotasunetan, handitzen dela frogatu da. Ikerketa honetan, CB2 hartzailearen adierazpena hipokanpoan aztertu dugu MTLE sagu eredu batean. Helburu honetarako CB2 hartzailearen espresioa markatuta duten saguak (CB2-GFP) eta hartzailea adierazten ez duten saguak erabili ditugu (CB2-KO).
Nerabezaroko gehiegizko alkohol kontsumoaren kalte iraunkorrak C57BL/6J sagu eme helduetan
Lekunberri Odriozola, Leire; Serrano Murgia, Maitane; Soria Gómez, Edgar; Bonilla Del Rio, Itziar; Anaut Lusar, Ilazki; Mimenza Saiz, Amaia; Atxikallende Urkaregi, Svein; Egaña Huguet, Jon; Ramos Uriarte, Almudena; Terradillos Irastorza, Itziar; Gerrikagoitia Marina, Inmaculada; Elezgarai Gabantxo, Izaskun; Puente Bustinza, Nagore; Rico Barrio, Irantzu; Grandes Moreno, Pedro
Betekadan oinarritutako alkohol kontsumoa da gehien ematen dena nerabeen artean. Kontsumo mota honek epe motzeko zein luzeko kalteak dakartza, nerabezaroan garunak garapen prozesu konplexua pairatzen baitu. Ondorioz, epe luzeko narriadura kognitiboa, CB1 hartzaile zelularraren galera eta honen menpeko epe luzeko plastikotasunaren asaldura ematen dira ar helduetan egindako ikerketen arabera. Ikerketa batzuen arabera emakumeak zaurgarriagoak diren arren alkoholaren kalteen aurrean, oraindik argitzeke dago epe luzera zehazki zein ondorio dituen nerabezaroko gehiegizko alkohol kontsumoak.
Omega-3 gantz-azidoen propietate onuragarriak
Serrano Murgia, Maitane; Lekunberri Odriozola, Leire; Soria Gómez, Edgar; Bonilla Del Rio, Itziar; Mimenza Saiz, Amaia; Egaña Huguet, Jon; Anaut Lusar, Ilazki; Terradillos Irastorza, Itziar; Atxikallende Urkaregi, Svein; Puente Bustinza, Nagore; Gerrikagoitia Marina, Inmaculada; Elezgarai Gabantxo, Izaskun; Rico Barrio, Irantzu; Grandes Moreno, Pedro
Omega-3 gantz-azidoek hainbat onura eragiten dituzte, izan ere, neuronen nahiz sinapsien sorkuntzan parte hartu eta zelulen biziraupena bermatzen dute. Hortaz, gaztaroan garunaren garapena suspertzeko eta antsietatea murrizteko, nahiz zahartzaroan narriadura kognitiboa apaltzeko erabili dira. Efektu onuragarri horiek bideratzeko, neuromodulazioan parte hartzen duen endokannabinoide-sistema baliatzen dute. Azterlan honen helburua omega-3an aberastutako dietak helduaro goiztiarrean memorian nahiz antsietatean onurak eduki ditzakeen aztertzea da. Baita dieta horrek saguen hipokanpoko endokannabinoide-sisteman aldaketa molekularrak eragiten dituen ikertzea ere.
Omega-3 gantz-azidoen propietate onuragarriak zenbait egoera klinikotan
(EKAIA) Serrano Murgia, Maitane; Rico Barrio, Irantzu; Lekunberri Odriozola, Leire; Ramos Uriarte, Almudena; Puente Bustinza, Nagore; Elezgarai Gabantxo, Izaskun; Grandes Moreno, Pedro
Omega-3en propietate onuragarriak alkoholak nerabezaroan eragiten dituen kalteak berreskuratzeko C57BL6/J sagu arretan
Serrano Murgia, Maitane; Lekunberri Odriozola, Leire; Mimenza Saiz, Amaia; Saumell Esnaola, Miquel; Garcia Del Caño, Gontzal; Soria Gómez, Edgar; Ocerin Amondarain, Garazi; Bonilla Del Rio, Itziar; Puente Bustinza, Nagore; Ramos Uriarte, Almudena; Gerrikagoitia Marina, Inmaculada; Elezgarai Gabantxo, Izaskun; Rico Barrio, Irantzu; Grandes Moreno, Pedro
Alkohola nerabezaroan kontsumitzeak kalte anitzak dakartza, bereziki hipokanpoko endokannabinoide sisteman eta, ondorioz, oroimenean. Omega-3 gantz-azidoek sistema endokannabinoidearen bidez onurak eragiten dituzte oroimenean. Gainera, alkoholak eragiten dituen hainbat kalte berreskuratu ditzakete, izan ere, jaioaurreko alkohol esposizioak neuronen plastikotasunean eragiten dituen kalteak berreskuratzen dituzte. Azterlan honen helburua omega3-an aberastutako dietak nerabezaroan alkohola edateak oroimenean eragin dituen kalteak berreskuratzeko tratamendu aproposa den aztertzea da. Baita horren azpian ezkutatzen diren hipokanpoko endokannabinoide sistemari lotutako mekanismo molekularrak ikertzea ere.