Browsing by Author "Boyano Lopez, Maria Dolores"

Now showing 1 - 3 of 3

Melanomaren biomarkatzaile lipidikoak
Perez Valle, Arantza; Garate Yeregui, Jone; Penas Lago, Cristina; Fernandez Regueira, Roberto; Herraiz , Ainara; Astigarraga , Egoitz; Barreda Gomez, Gabriel; Guevara Murua, Laura; Fernandez Gonzalez, Jose Andres; Boyano Lopez, Maria Dolores; Ochoa Olascoaga, Begoña; Asumendi Mallea, Aintzane; Lage Medina, Sergio
Lipidoak molekula oso heterogeneoak dira, eta hortaz, horien funtzioak anitzak dira. Izan ere, besteak beste, zelulen biziraupenean, hazkuntzan, euren arteko elkarrekintzetan eta heriotzean ezinbesteko zeregina dute. Funtzio horiek guztiek lotura zuzena dute zelulen gaiztotzearekin; hain zuzen ere, eraldaketa, progresio eta metastasiarekin. Azken urteotan, minbiziaren markatzaile genetikoen, epigenetikoen eta proteikoen ikerkuntzan aurrera pausuak eman diren arren, asko dago aztertzeke oraindik gaixotasun honen lipidomikari buruz. Horregatik, lan honen helburua melanomaren diagnostikoan, iragarpenean eta terapiaren hautaketan lagunduko duten biomarkatzaile lipidikoak aurkitzea da.
Nanoegiturazko biomaterial magnetikoen aplikazioa ehun-ingeniaritzan
Solozabal Azkarate, Izaro; Zurbano Tejada, Raquel; Boyano Lopez, Maria Dolores; Arteta Ruiz, Beatriz; Benedicto Garcia, Aitor; Redondo Esteban, Carolina; Morales Arboleya, Rafael
Ehun konektiboko zelulak magnetikoki kontrolatzeko ahalmenak aukera berriak sortu ditu medikuntza birsortzailean. Nanopartikula magnetikoak barneratuta dituzten zelulak kanpoko eremu magnetikoen bidez manipula daitezke. Eremu magnetikoek zelulen kanal mekano-sentsitiboak estimulatzen dituzte, eta horiek erantzun biologiko bat aktibatzen dute: ehunen eraketa, zelulen ugalketa eta atxikipena eta zelula-zelula arteko elkarrekintzak, besteak beste. Tesi honen helburua da nanoiman biobateragarrien garapena baliozkotzea kanpoko eremu magnetikoen laguntzaz ehun-birsorkuntza prozesuetan. Horretarako, disko-formako nanoegiturak fabrikatuko dira, orain arte erabili diren nanopartikulen aldean bi ezaugarri bereizgarrirekin: erantzun magnetikoa altuagoa da eta forma-asimetriari esker, torkeak aplikatu ahal izango dira zelulak estimulatzeko. Biomaterial hauen eraginkortasuna zelula endotelialen eta fibroblastoen hazkuntza bidimentsionaletan (2D) eta irla magnetikoak dituzten substratuetan egiaztatukoa da eta esferoideen eraketa duten hazkuntza tridimentsionaletara (3D) heltzea da azken helburua.
Zelula barneko zein jariatutako CEMIPek azaleko fibroblastoen mugikortasuna erregulatzen du
Larrinaga Ruiz, Maria; Agüera Lorente, Andrea; Alonso Pardavila, Ainhoa; Boyano Lopez, Maria Dolores; Falcón Perez, Juan Manuel; Asumendi Mallea, Aintzane; Apraiz Garcia, Aintzane
CEMIP proteinaren adierazpena hantura kronikoari lotutako egoera patologikoetan deskribatu da, minbizia kasu. Egoera horietan, CEMIP matrize estrazelularraren berrantolaketarekin eta minbiziaren progresioarekin erlazionatu da. Lan honetan, CEMIPen eragina larruazaleko fibroblastoen mugikortasunean ikertu da, larruazaleko melanomaren mikroinguruneko oinarrizko zeluletan alegia. Bai melanoma zelulek zein fibroblastoek CEMIP jariatu dezaketela zehaztu ondoren, bi zelula horiek jariatutako CEMIPek larruazaleko fibroblastoen mugikortasuna erregulatzen duela frogatu da.