Konposatu per- eta polifluoratuak mikrouhinen bidez prestatzen diren krispeten ontziratze materialetan

Abstract

Greenpeacek iaz jakinarazi zuen bezala, toxikoak eta akumulagarriak diren konposatu perfluoratuak (PFC-ak) aurkitu dira mendiko hainbat arropetan. Albisteak kezka larria sortu du egungo gizartean; izan ere, konposatu per- eta polifluoratuak (PFAS-ak) nonahi aurki ditzakegu, hala nola, sukaldeko tresnetan, jakien ontziratze materialetan edo xanpuetan. Ondoko ikerketa lana mikrouhinetan prestatzen diren krispeten ontziratze materialetan erabiltzen diren PFAS-etara bideratu da, hain zuzen. Ildo honetan, 46 PFASs eta beraien aitzindariak identifikatu dira Europako, Asiako eta Ameriketako hainbat herrialdetako ontziratze materialetan. Europa eta Ameriketako materialetan gehien bat kate laburreko PFAS-ak kuantifikatu diren bitartean, Asiakoetan bizidunetan gehiago metatzen diren kate luzeko PFAS-ak ikusi dira.

As Greenpeace reported last year, toxic and accumulative perfluorinated compounds (PFCs) have been found in many mountain clothing. Concern has been growing since per- and polyfluoroalkyl substances (PFASs) are used in a wide range of applications, such as, cookware, food packaging materials and shampoos. The present work is focused on the application of these compounds in microwave popcorn bags. Within this context, up to 46 PFASs and potential precursors were identified in popcorn bags from European, American and Asian countries. Different patterns in the bag composition have been observed within the countries; while in European and American countries short chain PFASs were detected, Asian countries still use long chain PFASs, which have been found to be more bioacumulatives.