Mn2O3-ZnO katalizatzailea metanolaren sintesirako, CO2-tik abiatuta hidrokarburoak ekoizteko bitartekari gisa

Abstract

Berotegi-efektua eragiten duten gasen etengabeko igoera dela medio, CO2-a bahitu eta balorizatzeko prozesuek gero eta garrantzia handiagoa dute. Lan honetan, CO2-tik abiatuta hidrokarburoak etapa bakarrean (metanola bitartekari) ekoizteko prozesua aztertu da. Zehazki, bitartekari den metanola sintetizatzeko Mn2O3-ZnO katalizatzailea ikertu da. Alde batetik, katalizatzailearen kaltzinazio-tenperatura egokiena 400 ºC-koa dela ondorioztatu da. Bestalde, katalizatzaileak oxido-egoeran metal-egoeran baino hobeto funtzionatzen duela egiaztatu da. Azkenik, elikaduraren konposizioaren eraginari dagokionez, H2+CO elikatzean H2+CO2 elikatzean baino emaitza hobeak lortu dira, erreakzio-ingurunean dagoen ur-kontzentrazioaren ondorioz eta CO-aren erreaktibitate altuagoaren ondorioz.

The CO2 capture and utilization processes are becoming increasingly important due to the progressive augment in greenhouse gases. In this work, the production of hydrocarbons from CO2 in a single stage (with methanol as intermediate) was studied. Specifically, the Mn2O3-ZnO catalyst for the synthesis of intermediate methanol was investigated. It was concluded that the optimal catalyst calcination temperature is 400°C. Moreover, it was proven that the catalyst works better in oxide state than in metallic state. Finally, regarding the influence of feed composition, better results were obtained in H2+CO feeding than in H2+CO2 feeding due to water concentration in the reaction medium and to the higher reactivity of CO comparing to that of CO2.